O pasado 14 de abril, Jaime Fagúndez, investigador principal do proxecto LIFE in Common Land na Universidade da Coruña, presentaba no CICA (UDC) o traballo desenvolvido ao longo dos últimos 5 anos e os principais resultados do proxecto.
Esta xornada de presentación de resultados celébrase anualmente no CICA - Centro Interdisciplinar de Química e Bioloxía da UDC e inclúe unha presentación dos proxectos rematados no ano anterior por parte dos seus investigadores principais. Este evento contou coa presenza do Director do CICA, Jaime Rodríguez González, o reitor da UDC, Julio E. Albade Alonso, e o Vicerreitor de Política Científica, Investigación e Transferencia, Salvador Naya Fernández, así como cun nutrido público de máis de 50 persoas.
A superficie de hábitats restaurados, os montes veciñais en man común que a partir de agora seguen un modelo de xestión por resultados de conservación e as persoas alcanzadas en labores de sensibilización e divulgación figuran entre os principais resultados do proxecto, que podes consultar no informe Layman, xa publicado no noso sitio web.
